Национальное образование Удмуртии: этапы становления и перспективы развития



страница48/50
Дата02.02.2018
Размер2.27 Mb.
ТипСборник
1   ...   42   43   44   45   46   47   48   49   50
А.М. Лаптев (Ижевск)

Алнаш Кен

140


Удмурт мадёсчиос пќлысь туж ичиезлы мќйы арлыдозяз улыны кылдэ, укмыстон аресозь ик, шуом. Лачакез пќртэм мугъёсын дырызлэсь вазь та дуннеысь кошко. Берло дас арзэ литераторъёслэн улонзылы но творчествозылы сћзем зэмверосъёс гожъятозям, укмыстонзэ сэзь но егит мылкыдын пусйисьсэ нырысетћзэ пумитай. Мадёно муртэ – Дэбес ёросысь удмурт Лем гуртын вордћськем но Ижкарын али улћсь Августа Васильевна Конюхова.

Ачиз верамъя, творчество удысэ кыстћськыны муг сётћз эшьёсызлэсь адњем карыса дневник нуон. Но вќзысьтыз нылъёс-пиос сямен куш-куш гожъяськыса пукыны кынарыз солэн ќз тырмылы, пумаз-йылаз вуттымтэ дневникьёссэ ялан кесялляз. Отћяз тћни, быземез бере, семьяязы тупамтэос кылдыса, лэся, кылбураны ќдъя, нош «Удмурт коммуна» газет бамын потылэм чуръёссэ люканы тодаз ик уг лыкты. Гожтэ, печатла но, солэн соос ќвќл ни. Зэмос нимтулыз интые, 20–30-тћ аръёсы гожъяськись уноез литераторъёс музэн, кушем нимзэ пуктэ: Авакон. Авакон со – Августа Конюхова шуэмлэн нырысетћ слогъёсыз, А+ва+кон. Шуркынмонэ вордћськем муртлы Августа ним сётэмзэс нош тазьы валэктыны луоно. Августа герњаське латин augustus кылын, рим но бќрысь немец императоръёслы «августейший» (священный, высочайший) шуыса вазисько вылэм. Џапак тае лыдэ басьтыса ик кылъя тодосчи но џыжы-выжыез П.Н. Перевощиков Августа Васильевнаез Августейшая нималлям.

А. Конюхова тужгес мыло-кыдо гожъяськиз, шуыны луоз, 40-тћ аръёслэн пумазы но 50-тћ аръёслэн кутсконазы УдГИЗ-ын редактор, собере валтћсь редактор луыса ужакуз. Котыраз соку ялан бергазы книга поттон удысысь адямиос, визьмо но лякыт эшъёсыз А. Галичанина, А. Золотарёв, М. Перевощиков, писательёс Михаил Петров, Василий Широбоков, Фома Ермаков но трос мукетъёсыз, озьы ик тодосчиос, дышетћсьёс. Мќйыослы кылбуръёсыз сяна, газетъёсын со вакытэ ятыргес печатласько ини пичи пиналъёслы чакламъёсыз. Нош 1965-тћ арын нылпиослы сћзем «Тон эн кышка, пие» нырысетћез кылбур книгаез потэ. Тэшкылиослы вазиськыса, автор улонэз валаны отын дышетэ, ужез гажан но калыкедлы, шаередлы пайда ваён мылкыд пыџатэ.

Тон эн кышка, эн пега, пие, ужъёслэсь,

141

Уж поттоз тонэ котькыџе шуг-секытысь,



Уж сюдоз, возьмалоз, йќнатоз висёнлэсь.

Уж бордын шумпотон, сое тод пичиысь.

(«Тон эн кышка, пие»)

УдГИЗ-ын дыръяз ик Августа Конюхова нылпиослы прозаен произведенниос поттон сярысь но сюлмаськылћз. Њуч кылысь берыктыса, пинал лыдњисьёс доры вуттћз Л. Воронковалэсь веросьёсын «Шундыё нунал» (1951) «Зарни усьтонъёс» (1952), повестен «Пичи нылъёс школае мыно» (1953), веросъёсын Н. Ждановлэсь «Нахимовецъёс (1955), В. Осеевалэсь «Мынам эше» (1951) книгаоссэс. Ma, ачиз А. Конюхова но нылпиослы веросъёс гожъяз. Пенсие потэмез бере но соос кылбуръёсын оград газет-журналъёсы печатласько. Быдэс улонзэ сямен дышетон удыслы сћзиз бере, веросъёсыз но школа улонэн, покчиослэн дуннееныз герњаськемын. «Дышетћсь» нимояз тани Алнаш ёросысь Байшуя гуртысь начальной школаын ужамез возьматэмын. Павлик, Петя Соколов но Раяен Валя пыр чильпырало журналистлэн но писательлэн Семён Шихаревлэн, Удмурт драмтеатрын ужам суредасьлэн Георгий Векшинлэн, татысь ик сцена вылын шудэм, ассэ ачиз ыбыса, улонысь дырызлэсь вазь кошкем актрисалэн Анна Колесниковалэн образъёссы. Џапак соосты Августа Васильевна ас дыраз дышетћз но.

Тани ма тодћськомы «Дышетћсь» веросысь Семи Шихарев сярысь:

«Паша – востэм но чиед пи. Школаын солэсь куаразэ но уд кылы. Куараез но бен мугорызъя ик – векчи. Векчи пужыё кузялэс ымнырыз, вожалэс-чагыр синъёсыз котьку мур малпаськисесь луо. Сое котькин обидьыны быгатылћз...»

142

«Олялэн (дышетћсез. – А.Л.) тодаз лыктћз одћг анайлэн верамез: «Мынам Павлике огназ будэ. Со сяна, нылпизэ ќз сёты Инмар. Соин ик пиме пичи дырысеныз эркияса вози. Ачиз но Павлике туж мусояськись... Ал вылам со пуксе но шуэ: «Аныкае, вай ќжытак гинэ ноно, ява». Визь люкатозяз ик мемизэ озьы сюпсиз бере, кыџе ке йќспќртэм адями луоз, дыр, та пие...»



«Зэм но, кин луоз меда Павлик?– малпаз Оля.– Дышетћсь? Уз. Куараез ляб. Тани Раяен Валя (Анна Колесникова. – А.Л.) дышетћсь одно луозы, дыр: монэ тужгес юн ярато... Павлик кылбурчи луоз ке шат? Кылбурчилы тупа, инкуазез но яратэ».

Нош таиз суред Георгий Векшинлэн пичи дырысьтыз:

«Петялэн тусыз номырин но художниклы уг кельшыы. (Суредаськыны со туж яратэ. – А.Л.) Со вал бадњым йыро, кузялэс ымныро, џужалэс-горд йырсиё но сыџе ик синкашо востэм удмурт пияш. Пельёсыз секытэн, урокъёсын со йырзэ огпала яке мукет пала кырыжтыса но сьќрланьтыса пукылћз».

Мукетаз но, «Гордань но кый» веросысь, событиос ортчо Алнаш ёросын ик, табере ини вордћськем Куашкам (Юртошур-Какся) гуртам. (Али со ќвќл ни, быриз 1980-тћ арын). А. Конюхова тодаз уськытэм, Быдњым ож дыръя Алнаш райкомысь пропагандая но агитацияя отделэн кивалтон вакытысьтыз Вознесенск сельсоветэ соку пырись Куашкам гуртэ вуылыса, одћг тунсыко учырез верамзэс.

Матрон апайлэн будэтэм скалэзлэн нырысетћ кунянэз вордћське. Горданез, нуныкайзэ нонтон вылысь, нуналлы быдэ, љытазе, пудо уллёлэн азьпалаз бурсыса дораз вуэ. Матрон апай шумпотэменыз кытчы пырыны ик уг вала: нылпиосызлы йќл луоз. Нош бурдъяськем мылкыдыз љоген сачак пуксе: скалэзлэн йќлыз синэ но синэ. Пудоез, бусы сюресъёс кузя, шупектэм куштосъёс вылтћ нуллэмзы бере, жалем турыно нюр вылэ улляло. Татын кќтсэ огдырлы тыремез бќрсьы Матрон апайлэн Горданез кќс гуждор вылэ, куакъёс доры выдэ. Џап отын, муџ вылын, сьќд кый шунды шорын шунтћськыса улэ вылэм. Йќл зынэз шќдыса, скаллэн ноныез борды куртчиське. Гордань нырысь-валысь џыжаське, быжыныз сое шлачкетъя, сюрыныз мырыны выре но номыр уг пќрмыты. Мукетаз нуналъёсы но сьќд кый Горданез ноныны ветлэ. Табереяз ини скал нокыџе уг кариськы, нонћсь кый шоры гинэ каллен вазьылэ. Кќня ке нунал ортчыса, уллёзэ пастух нош ик бусые нуэ. Гордань гинэ ялан нюр вылэ кыстћське. Илья агай берланьяськись скалэз вормыны уг быгаты. Матрон апай пурњемын. Соку ини солэн нылпиосыз Горданьзэс возьманы-чакланы басьтћсько но скал «кыскисьсэс» синйылто, адњемзэс анайзылы верало. Корт лопата кутыса, нылпиосыз валтэмъя, Матрон апай нюр вылэ вамыштэ. Сьќразы тћрен, саникен но корт черсэн ньыль воргоронъёс калъясько на. Соос сьќд кыез юдэсэн-юдэсэн корало. Та учыр бќрсьы Гордань шузимем кадь луэ, ялан шугъяське, уг но сиськы, уг но юы. Бератаз ымысьтыз шукы потыны ќдъя но кулэ.

Тћни сыџе паймымон но осконтэм кадь учырез маде А.Конюхова. Вылаз ик, та верос пиналъёслы чаклам детективлы укша. Нош «Гордань но кый» соин валче гинэ сюлмам пыдло ќз пыры, отын суредамын мар ке мында мур нюко, љужыт вырйыло но нюр интыё, пичильтык нюлэсэн котыртэм Куашкам гуртэ. Прозаик сое таџеен син азяз пуктэ.

«Нюр выл туж паськыт ик ќвќл, ог сю метр пасьта гинэ, нош! кузьдалаез ог дасо метр кыстћське. Шортћз пичи гинэ шур бызе. Нюрлэн огпалаз нюлэс, мукет палаз – бакча кенеръёс, пыдэсаз векчи куакъёс, љужыт шашы, ческыт зыно тузь, муџъёс.

143


Нюлэс но љыны иськем гинэ. Озьы ке но, пиналъёслэн ноку но огназы со пыртћ потамзы ќй вал на. Нюлэскын мур нюкъёс, пыран-потантэм интыос, пе, вань. Отын, пе, кионъёс пи потто... Одћгзэ нюкез Кый кар нюк шуо».

144


УдГИЗ-ын ужан аръёсаз кылбуръёсын-веросъёсын вырем сяна, Августа Конюхова «Нырысетћ вамыш» романзэ но мытэ. Будинъёслэн выжызы пыр (аслаз но ныл фамилиез Будина уго) отын эскерыны малпа быдэс гуртсылэсь ортчем сюрессэ. Нош театральной курсын дышетскон вакытысьтыз эшезлэн Михаил Петровлэн улонысь дырызлэсь вазь кошкеменыз но, ужан интыяз вожвылъяськон кылдэмен мукет удысэ выжеменыз но та бадњым малпанэз быдэсмытэк кыле. Куке-соку мытэм романзэ 90-тћ аръёсы гинэ, тодэ ваёнъёслэн ќразы выжтыса, «Кенеш» журналын (3–7-тћ номеръёс, 1996) печатла, та бќрсьы ик «Шудтэм шуд» нимысьтыз книгаен «Удмуртия» издательствоын но потэ.

Тодэ ваёнъёсын но шќдскымон инты висьямын Будинъёслэн выжызылы. Соос Идна батырлэн пушъетъёсыз луо шуыса пусъемын. Тодэ уськытэмын Будинъёсын артэ кемдэм Баженовъёс но. А. Конюховалэн гуртаз ик, Удмурт Лемын, кылсярысь, вордћськемын но будэмын Мария Герасимовна Баженова (удмурт литератураын кушем нимыз – Льќм Маня), нимысьтыз книгаен 1928-тћ арын потэм «Удмурт сюан» но мукет пьесаослэн, веросъёслэн авторзы. Собере Августа Конюхова тупен-тупен маде аслэсьтыз улон сюрессэ: пень вылэ вордћськемзэ (корказы нюмыляк сутске), вунонтэм пинал вакытсэ, пуны пурем бере, сюлмаз кышкан пыдло пыремен, кулыса усьылћсь луэмзэ но соин сэрен начальной школаез дас ньыль арескын гинэ йылпумъямзэ, Ижкарысь педтехникумын дышетскемзэ, пичи дырысеныз весь кырњаса-эктыса улон но артист луон мылкыдыз театральной курсъёсы вуттэмез, бќрысь татысь, кулак ныл шуыса, уллямзэс. Солэн атаез арен љыныен кулакын ветлэ. Таџе адњон 1929-тћ арысен кутскыса, љыныез гуртсы вылэ усе. Баженовъёсты но кулаке потто. Мария Баженова уно аръёссэ кышкаса улэ пытсэтэ пуктэмзылэсь, чида интэмамъёссэс, уже кутымтэоссэс. Соин валче но, ВУАРП-ез курлась гожтэт улэ вить эшъёсыныз џош кизэ нюртэменыз сэрен но сое гожъяськемысь дугдыто. 1930-тћ арын толшорлэн кутсконаз шаерысьтымы писательёслэн конференцизы удмурт литератураез куинь секторлы ёзна: буржуазно-националистическойлы, нялтас мынћсьёслы (попутнической), пролетарско-крестьянскойлы. М. Баженоваез кыкетћяз пырто. Џапак та конференция дыръя педтехникумын дышетскисьёс концерт пукто. Пќлазы (паймод, ява!) љиме Льќм Манялэн аспалэз Августа Будина но.

145

Отћяз тодэ ваёнъёсын книгаяз А. Конюхова гожтэ дышетон удысын кема аръёс џоже ужамзэ, удмурт пиналъёслы учебникъёс поттамзэс, алнаш пилы быземез бере, со палъёсын тыршемзэ но алнаш кен луэмзэ, сэрттэ-пертче удалтымтэ семья улонзэ, азьвылгес пумитам пи сьќры, чиган кышноос верамъя, шудзэ келямзэ, выжыосызлэсь но пиналъёсызлэсь секыт адњонзэс. Оглом вераса, син азе пуксе мадисьлэн ас улонзэ «шудтэм шуд» шуыса нимам кузь сюресэз.







Поделитесь с Вашими друзьями:
1   ...   42   43   44   45   46   47   48   49   50


База данных защищена авторским правом ©znate.ru 2019
обратиться к администрации

    Главная страница