Национальное образование Удмуртии: этапы становления и перспективы развития



страница40/50
Дата02.02.2018
Размер2.27 Mb.
ТипСборник
1   ...   36   37   38   39   40   41   42   43   ...   50
В.К. Кельмаков (Ижевск)

Красногорск ёросысь Плетенёв кузпалъёс



зарни сюанзэс шудћзы”

(Удмурт газетлэн кылыз сярысь чыры-пыры малпанъёс)

Дырын-дырын «Удмурт дунне»-ез учкылыку, џем гинэ пумитаны луэ сюан шудыны кылберыктосэз (оборотэз); тани улћын возьматэм номеръёсысьтыз гинэ но, кылсярысь, шедьтћ таџеоссэ: Љоген сюан шудüм (Г. Семёнова – Уд. 22.01.2008, 8). Кин ке сюан шудыны дасяське (Уд. 25.01.2008, 16). Сюан шудыны чылкак дырыз (Уд. 28.11.2008, 16). Озьы-а, тазьы-а, но сüзьыл кисьтон бере кык гуртын но сюан шудüзы (И. Хрусталё­ва – Уд. 20.05.2009, 8). Нырысь-валысь мон со шоры утял öй кары вал, солэн маиз ке пе­лез вандэ кадь потћз ке но, соин ик син шоры йöтэм данак мукет примеръёсыз ас дыраз ваньзэ ик гожтыса басьтыны валанэ öз тырмы, лэся.

Нимысьтыз малпаськыса гинэ, висись йырам шуккиз: удмуртъёс сюанзэс шудо ик-а меда?.. Чаклано-эскероно ужпумен валче мон ас котырысьтым кöняосызлы ке тодмо адямиосылы, ужъюлтошъёсылы таџе юанэн вазиськылћ: “Мар каро удмуртъёс сюанэз?” Юанме умой-умой валамзы бере, кык-куинь пумо беренкыл (ответ) басьтылћ: удмуртъёс, пе, сюанэз уг шудо сое ортчыто, лэсьто, каро...

Соин сэрен берло дыре лыдњем удмурт чеберлыко литератураысь но газетысь сюан радъ­ян пумысен вань шуосъёсыз (предложениосыз) люкано кариськи: пöртэм аръёсы но пöртэм интыын вордћськем но турлы стилен гожъяськись удмурт авторъёслэсь сюан радъянэн герњаськем предложениоссэс компьютерам люканы кутски.

1.1. Та дырлы вань шедьтэм примеръёсме, егитъёслэн кузпалъяськеменызы валче зэмос сюан лэсьтэмез возьматћсь глаголъёслэсь џем/шер кутћськемзэс лыдэ басьтыса, таџе радэн интыяны луонлык кылдћз (ос­кы­мон­гес ка­рон пон­на, компьютер картотекаысьтым ваньзэ сямен примеръёсме сё­тыны ку­лэ­ен лыдъясь­ко).

1.1.1. Сюан ортчытыны (23 учыр):

110


109

Кылдэм ке, турнаны потытозь, сю­ан ортчы­том. Расходзэ ас вылам бась­­­то, бул­тыре мыным ныл интыын (М. Петров. Вуж Мул­тан, 171). Туала куарсуре тупыттэм узыр сюан ортчыто Вол­ковъ­ёс (М. Лямин. Шуд­­бур пон­­на I, 66). Мон малпасько вал: та, пе, вуиз ни. Сюан но ортчытом, дыр, ко­жасько. Љоггес тонэ кузпалъяно вал ни, вы­ны, дыр ортче ук (М. Лямин. Шуд­бур понна II, 54). Ю с к а. Визьтэм тон, визь­тэм! Тазьы визьтэмъясь­кы­тозь, мын али ик мынэсь­тым вань тод­мо­ос­ме öтча. Юска џужмурт, шу, туннэ љыт сюан ортчытэ (И. Га­в­ри­лов. Пье­­са­ос, 26). «Эме­спилы кельшы­мо­нэз сюриз ке, ми Пед­­ча­ен кема малпась­кыса ум улэ, Катя­лэсь но ум кылзэ, соку ик сюан орт­чытом», шуылüз со [Ондрей] (И. Гав­ри­лов. Вор­дћсь­кем палъёсын I, 13). Тани ар орт­чиз, муке­тыз, соос инты­ын, дас пол но сюан орт­чытыны вуысал, нош та­ос­лэн маке уг на шöдüськы кадь (Г. Кра­силь­ни­ков. То­нэн кы­лись­ко, 197). Чебер ныл но Ба­дярлэн пиез Батыр шулдыр сюан ортчытüзы (Н. Ва­силь­ев. Бад­њым кыз­лэн ву­же­рез, 184). – Ку бен луоз сюан­ды? – Џуказе гожтüськыны мы­ном, со­бере, толэзь ортчыса, Вормон нуналэ, сюанмес ортчытыны ве­рась­ким, пу­мит ке уд лу (Н. Ва­сильев. Азвесь порт­си­гар, 49). Дунне вылын такем шудо адямиос öвöл – озьы потэ вал соослы. Сüзьыл сюанзэс ортчытыны кенешизы (Н. Васильев. Силь­зор бере, 19). Сüзьыл, пе, бакча ваньбу­рен љöк вылмес шул­дыр­тыса, калык радъя ортчы­том њеч-њеч, тыро-пыдо сюан (А. Ве­ре­тен­ни­ков. Чу­рай уло­сын, 58). Сю­ан ке малпады, татын орт­чытом, ява (А. Вол­­ков. Ку­най Олёк, 160). Си­дорлэн кышноез секытэн вал ини, сюан орт­чы­тыкузы (Е. Загребин. Се­кыт ад­њон, 4). Бускельёсмы туж шул­дыр сюан орт­чыто (Е. Загребин. Се­кыт ад­њон, 203). Нош муртъёслэсь кызьы уйзэс ортчытъямзы ся­рысь тынад ымыд но медам усь­тüськы. Ай öд вунэты, луоз, кемалась-а сюанъёс ортчытъяд? Тьфу, дыль­дые но жаль (Е. Сам­сонов. Ны­ры­сетћ гу­ды­­ри, 38). Озьы тüни ньылетü курсын ды­шет­скись Лина Веткина госэк­за­менъёс азьын бызиз но, сюанзэс ортчытüзы (Е. Сам­со­нов. Ту­лыс џук­на, 88). Сюанъёс, уть ай, та­бе­­ре кöня сюрс манетъ­ёсын орт­чытъ­ясько! (Е. Сам­­со­нов. Ту­лыс џук­на, 94). Сю­ан ортчытыны кисыям ик буш али (А. Ко­маров. Юриськем музъ­ем, 91). Бен Маниеныд сю­андэс ку орт­чытоды ини? (А. Комаров. Юрись­­кем музъ­­ем, 99). Сюанзэс ком­со­молецъёс но егитъ­ёс орт­чы­тыны малпазы ук, со­­ос ик љöк вы­лэз но мед да­сялозы (И. Бай­ме­тов. Сю­лэ­мам тон ги­нэ, 11). Ли­да быземын öвöл на. Гур­та­мы ик мед­пунктын ужа. Тонэ жугеммес тодэм бе­раз, сюан орт­чытыны чу­тырак пумит луэм (И. Бай­­ме­тов. Сю­лэ­мам тон ги­нэ, 52). Сюандэс кöсын гинэ орт­чы­тыны уд-тэ малпась­ке? (П. Ку­ликов. Бу­ран бе­ре, 29). Быдэн куинь сюмык бекыртэмзы бере, вуоно варматайлэн но вуоно эмес­пи­лэн кылзы сэраз. Ялан верасько сю­а­нэз њечгес ортчытон, со­лы дасяськон сярысь (П. Ку­­ликов. Бу­ран бе­ре, 30). Пиезлы кöня визь тырыны выриз, кыче уг поты вал сюл­мызлы кельшись­тэм сюа­нэз ортчытэмез. Нош Вася анайзэ могак кариз: Ва­ляез ке, пе, бась­тыны öд лэзе, ноку но уг кышно­ясь­кы ни (Г. Романова. Выль кен, 18). Уло­­но на вал мы­ным. Нылъёсме пыд йы­­­лазы сул­тытоно, кузъ­­­­яно со­­ос­ты, жин­­гы­­рес сю­анъ­ёс ортчытъяно (Н. Ни­кифоров – Уд. 17.05.2005, 7).

112


111

1.1.2. Сюан лэсьтыны (15): Кема ик öз улэ, нянь но вандüзы. Куарсур дыръя сю­ан лэсьтыны тупазы (И. Кур­батов – Сюрес вожын, 345). Чик кыш­но­ясь­ке­мез уг пот вал ке но, сокем узыр кен сюрыкы, атаез Петырлэсь мыл­по­тэмзэ öз чакла нü – сюан лэсь­тыны дыртüз (И. Кур­батов – Сюрес во­жын, 357). Великтэм орт­чем бере, кудüз-огез удмуртъёс сюан лэсь­ты­ло. Шуныт куазен юы­ны но шулдыр. Кудњыса поград ке но, кынмыса уд кулы. Изёд, нош ик сайкалод (Е. Ев­сеев – Сюрес вожын, 215). «Атай! Дырды луоз ке, нэнэ­еным одüгетü авгус­тэ лык­тэ. Соку мынам кузпал луо­нэ сю­ан лэсьтыны турт­­тэ...» (П. Блинов. Улэм потэ, 138). Ны­ры­сяз ик – Стенька Разин, – Княж­на вöзы пуксемын, Выль сюан тун­нэ лэсьтэ со, Нош ачиз ни кудњемын (И. Га­в­ри­лов. Пье­са­ос, 106). Бадњым сюанлы ку­жым öз тырмы, пичигес ке но сюан ик лэсьтоно луиз куз гыр­лы­ен, кошов­ка­ос кыткыса (А. Кла­буков. Мо­жай тыпы, 59). – Ку бен сюан лэсьтом ни, кум? Марым-а, вармаяд ветлыны уд мал­пась­кы-а? – Татчы бертüм ке, нергезэ сю­ан лэсьтом ни. Вармаям пы­раны али дыр öвöл (М. Лямин. Шудбур понна II, 57–58). Тонтэк, пие, ньыль сюан лэсьтüм (М. Лямин. Шудбур понна II, 70). – Нош тодüськоды на-а, кы­­зьы Коньы Мик­лай пиезлы сюан лэсь­тüз? – боз-боз куа­раеныз ве­раськонэ пы­риськиз Ладёк­лэн атаезлэн пичи су­зэ­резлэн кар­тэз­лэн агаез (П. Кубашев. Габи Ладёк, 10). Больница бадњым öвöл, вань улэм-вылэмед калык син азьын, соин ужасьёс куспазы вераськыны кут­скизы ни, Ге­оргий Ильичен Зоя Ива­нов­на сюан лэсь­то­зы, дыр, шуыса (Г. Кра­­силь­ни­ков. То­нэн кы­лись­ко, 259). А вот тань, аску радъяськизы сюан нергелэсь шуд нюжазэ одüг бугоре би­ньыны. Сюан-а, öвöл-а, – ныл куран нерге, таџе кысык вакытэ сюан лэсь­ты­ло-а бен? (А. Ве­ре­тен­ни­ков. Чу­рай уло­сын, 58). Љыны посёлок ёрос тодэ Веткинлэсь будосъёс бордын ужамзэ, соин ик заводысь начальство но узыр­гес улüсьёс, сюан лэсьтыкузы яке вордüськем нуналъёссэс пусйы­кузы, кулэм џыжы-выжыоссэс сопал дуннее келякузы, одно ик асьсэлэсь слугаоссэс ыс­тыло выль пезьдэм сяськаослы (Е. Сам­­со­нов. Шундыез уд жи­льыя, 214). Сю­ан мар öз лэсьтэ. Марья ке­­наклэн ку­лэмез со­кем кема öй вал угось. Ар тыр­мем­лэсь азьло мöйыос öз лэ­­зе юон­дыр орт­чы­тыны. Вылаз ик си­ён-юон ла­сянь но секыт вал (К. Ло­ма­гин. Коть­ку возь сюлэмад, 68). Ин­во­жо толэзьлэн шораз По­тянэн Паня, но­­кыџе сю­­­ан лэсь­ты­тэк, шы­пы­­так ги­нэ џош улыны кут­ски­зы (Н. Павлов – Уд. 16.05.2006, 8). 2011-тü арын 31-тü апреле Римын сюанмес лэсьтüмы. Али Италиын улüсько (Л. Широбокова – Инвожо. – 2012. – 7-тћ №. – 59-тћ б.).

114

1.1.3. Сюан карыны (4): Эксэй нылэз Марсалим кияз кутыны быгатэм. Кай­та нуналаз сюан карыны туртто (Уд­мурт ка­лык сказкаос, 28). Та пи вуж дусымзэ кышно басьтыны кутскем ини, трос ка­лык öтчам сю­ан ка­ры­ны (Удмурт ка­лык сказкаос, 47). Корказ тае [сиротаез] эксэй сюдыса но сек­та­са возем. Собере, öжыт улыса, аслэсьтыз нылзэ но талы сётоно карись­кем. Сюан карон дыръязы туж шулдыр вылэм (Удмурт ка­лык сказкаос, 47). Ка­лык манер, бусьтыр-бусьтыр кароно, пе, вал сюандэс (Никвлад Сам­сонов. Агбай, 316).



1.2. Кызьы адњиськомы, пöртэм типъем но стильем удмурт гожтосъёслэн возь­­матэмзыя, удмуртъёс сю­анзэс џем дыръя ортчыто, кöнялы ке шергес лэсь­то, эшшо но шер – каро. Гожтосъёсысьтызы пичигес уретазы гинэ но уд­мурт писательёс синоним кары­са басьто вылћын нимам каронкылъёс пöлысь ик куд-огъёссэ, кылсярысь: – Сюан лэсьтüськом, пиё­ке, сюан, – палэнысь мурт­­лы сямен, шулдыр мылкы­дын ве­раз со [пересь]. <...> – Педорлэн Ленаез бызе, пиёке, тü сое уд тодэ. Педор ас нылзэ Чумо­шуре сётэ. Миколайлэн пи­езлы Сергейлы. Вот, ява, шул­дыр сюан ортчытэ Педор, шулды-ыр... (Н. Ва­сильев. Кин тон, атай?, 4).

Чыл­как одћг учыре гинэ мыным удмурт писа­тель­лэсь сюан шудэмзэ пус­йы­ны удал­тћз: Та­тьяна Ивановна но Александр Сте­па­нович Головёнкинъёс сю­­ан­зэс Ка­дров до­рын ик шудüллям (Н. Евсеев. Пей­мыт уй гинэ вера­лоз, 124).

1.3. Тћни сыче статистика зэмос сюан радъянэз ниман удысысь выра­же­ниосын. Кызьы возь­мато лю­кам примеръёсы, сыџегес ик югдур зэ­мос лу­ись­тэм сюанъ­ёсыз радъ­ян сярысь кылдытэм шуосъёсын но: отын но џапак орт­чытыны но лэсь­ты­ны глагол фор­маосын ик герњаське сюан кыл, лад-лад сю­анэз со уг ке но возьматы.

113


1.3.1. Сюан нерге: Макарлэн ана­­ез-атаез Камай доры вет­лü­зы, гуртын ве­раськонъёс медам луэ шуы­са, ра­дыз понна гинэ тупазы, вöй дыръя сюан нерге ортчытüзы (Г. Кра­силь­ни­ков. Вуж юрт, 7). – Петырмы вуиз ке, уката шулдыр луоз коркамы. Мики, оло сюан нерге лэсьтыса дармантом, оло тук­лячиосты но öтём, – шугъяське Варук (М. Ля­мин. Шудбур понна II, 103). Об­ще­­житилэн окыт комнатаяз сюан нер­ге лэсьтыкузы гинэ ньöмыз понна чу­па­мез вань (О. Чет­ка­рёв. Йö вы­лэ тэт­чон, 28). Сюан нерге но орт­чы­тыны чак­ласьком вал (Рашит Хай­дар. Ачим, 19). Ма, тüни самой соку, кузпалъ­ясь­кем сярысь гож­тüсь­кемзы бере, нош ик Ил­ля­гуртэ берты­лüзы вал, сюан нер­­­ге выллем лэсь­тüзы шуод-а, мар-а<...> (Ник­влад Сам­сонов. Агбай, 315); но мукет.

1.3.2. Нунысюан: Пиез вордüськем пон­на нуны­сюан лэсьты­кузы, Ака­гуртэ соку гинэ усь­тüсь­кем шко­лаысь дышетüсь му­кет ним џектüз (Г. Кра­силь­ни­ков. Вуж юрт, 9). Нунысюан лэсьты­кузы, Васялэн ана­­ез, Миклай кыш­нолы чечыен сурам вина сётыса, калык азьын ик вераз<...> (Г. Кра­силь­ни­ков. То­нэн кы­лись­ко, 209); но со выллем.

1.3.3. М. Ляминлэн «Шудбур понна»-ысьтыз спектакль пуктћсь егитъёс сце­на вылын сюан шудэм пумысь малпасько – озьы ке но соос отын но сюан лэсьто, нокызьы но зэмос сюан öй вал ке но со: “Туннэ ворттылон бырем бе­ре, соос дышет­ски­сез но, дышет­скымтэез но спектакль пуктыны котыр ваё. Калыклы сяна, Сарапулысь ву­эм куноослы но соослэн љытсэс умой возь­матэмзы потэ: выль сюан лэсь­тэм кадь, пе, мед луоз. Озьы малпало вань комсомолецъёс” (М. Ля­мин. Шуд­бур понна II, 104); љытэз-шудонэз йыл­пумъ­яса, Оська Семи калыклы вазиськиз на: – Та шул­дыръ­яськонмес ми сü­зим Вадоргуртэ вуэм граждан ожлэн герой­ёсызлы Галина Петровна но Пётр Васильевич Бадя­ровъ­ёслы, та љытмы со­ослы выль сямен сюан лэсь­тэм мак­тал мед луоз” (М. Ля­мин. Шудбур понна II, 106).

116


1.3.4. Удмуртъёс валамон ини, ултћям-серекъям улсын, исам-мактам ка­рон мылкыдын учко лулосъёслэн (пöйшуръёслэн, тылобурдоослэн...) тулыс ву­­э­мен валче яке кыџе ке музон учыре ул­лёе люкаськыса юмшамзы шоры, та контекстын но сюан кылэз куто ке но. Со ся­рысь ик верало удмурт гожъ­ясь­ёслэн куд-ог текстъёсысьтыз бась­тэм шуосъёс, кылсярысь: Нылпиос, штан­зэс пу­жал­­ля­са, Кеч починкаысь гуж­дор вылын шудо. Куа­разы, ла­пег черк борды шуккись­кы­са, бусые вöлме. Ялтра нюлэскы кион сюан кадь чузъяське (Г. Мед­­ве­дев. Лö­зя бес­мен, 57). – Тодüсь­ко Палэез, туж њеч тодüсько, уйёс­ме изьыны бы­га­ты­тэк поты­лыкум вань­зэ ас синмыным адњи. Пуны сюан кадь ик вал, дыр (Е. Сам­сонов. Ны­ры­сетћ гу­ды­ри, 38). – Мон тон сярысь ве­расько. И вообще, так сказать, кыл куспе эн чурт­наськы. Татын њольгыри сю­ан öвöл (И. Га­ври­лов. Люкам сочи­нениос I, 252–253).

Озьы ке но, удмурт верасько­нын но гожъяськонын, зэмос удмурт писа­тель­ёсыз кылзћськоно но лыдюоно ке, изь­веръёс/тылобурдоос гинэ но – пай­мод но бырод, ява! – сюанзэс уг шудо (!), сое ортчыто яке лэсьто: Гурт­мылэн нимыз ик вера, тапалан дукъ­яос арлы быдэ сю­­анъёссэс ортчы­ты­лüзы шуыса (А. Ве­ре­тен­ни­ков. Чу­рай уло­сын, 98). Куинь воргоронъёс Сан­­ко­ен колхоз кон­торае пырыку, њардон, Чурай уло­сэз льöльмаса но кыр­ња­са, ты­лобурдоослэсь сюан орт­чытэмзэс учкыса, бы­дэс уд­мурт шаер тыр вöл­ске вал ини (А. Ве­ре­тен­ни­ков. Чу­рай уло­­сын, 154). Коть­­куд юрт котырын њоль­гыриос, оло, сюан лэсьто, ур каро (А. Вол­ков. Ку­най Олёк, 95).

1.3.5. Озьы ик инкуазь явлениосын яке улон-вылонысь пöртэм йылолъ­ёсын-сэбедъёсын герњаськем сюанэз гинэ но удмуртъёс ортчыто яке лэсьто, кылсярысь: Ар кутскыса, инкуазьлэн сюанэз шудэ, воринъ­яське, кись­тась­­ке, чеберъ­яське но выль­дüсь­ке. Тол ум­мысь­­тыз сайкатскем инкуазь орт­­­чытэ аслаз тыло­бур­до­осыныз но пöй­шуръ­ёсы­ныз, турын-куаръ­ёсыныз но писпу­ос­ы­ныз бадњым ту­­лыс сюан (Е. Самсонов. Ту­лыс џукна, 79). Паймод та ин­куазьлы: џукна лыс­вуэн котмем чо­нари вотэсъёс пыр со возь­матэ вы­лэм пу­рысьтам йыр­си­оссэ. Тüни кызьы – та нюлэскын сюан но ог­шоры сюан öвöл ук, зарни сюан та. Музъем-анай Музъем-атаен зарни сюан­зэс ортчыто (Ник­­влад Сам­со­нов. Шу­пудъ­ёс быр­дало, 68). – Мар-о тü гурт кузя озьы ња­зе­ген ветлüсь­ко­ды? Сüзьыл куазен ња­зег сю­ан лэсьты­ны малпады, оло? (А. Ко­маров. Юрись­­­кем музъ­ем, 102).

2. Озьыен, зэмос удмуртъёс – кызьы адњыны луэ вылћын сётэм мате­ри­ал вы­лын – сюанэн но, сюа­нэз но уг шудо, малы ке шуоно, удмуртъёс понна сю­ан со адя­ми­лэн улон-вылоназ туж бадњым, туж йöнлыко марке, чик но куальккетон уж öвöл.

115

2.1. Соинтэк-а, кызьы тодам ваисько на, мон пичи дыръя, пересь ке­накъ­ёс џе­мысь поттылозы вал: адямилэн, пе, улон џожаз куинь сюанэз луэ – вор­дüсь­кыкуз, куз­палъяськыкуз но кулыкуз. Валамон ини, адями одћг пол гинэ лык­тэ югыт дунне вылэ, одћг пол гинэ, та дуннеысь кошкыса, Инмарлы лул­зэ сётэ – озьы бе­ре, кузпалъ­яськон сюанэз но одћг гинэ луыны кулэ. Со ся­рысь туж њеч ве­рамын одћгаз лымшор удмурт сюан кырњанын (гож­тэмын со 1981-тћ арын Пичи Пур­га ёросысь Кабыста гуртын улћсь Юлия Ники­фо­ров­на­ Ла­врен­­тьевалэсь):



мар кэ кырюанды-вэранды ван' кэ,

ва·н'зэ вэ·ралэ, эшйосы.

бэрло кырюаммы потоз но,

ум шö·ттэ ни та гурэз.

кык пол-кўин' пол кырюаны

уз лэ·з'ы ук сузэрмы.

кык пол-кўин' пол кырюанлэс'

баююын и н м а р мэд ут'оз [Кельмаков 1990: 196].

Сюанлэсь адямилэн улоназ тужгес но бадњым, сћё-дано но йöнлыко инты басьтэмзэ валаса ик, луоз, туала Татарстанысь Балтась ёросын улћсь Зинаида Павловна Кузнецова (1937-тћ арын вордћськемын, дышетскемез 7 класс) та­зьы маде (гожтэмын 1998-тћ арын):



уўон доурам кö°н'а c'уанэ вэли, опоў но бэда кÿюэм с'уанчиосыз öй а·юы. с'уанйос бэда шап орчо вал. собэрэ тÿл'ачи д'уонйос луо. таосыз но бэда шул­­дыр орчо. татын унозэ эö°кс'öр кырњан­йос кырзыўо. нош д'ылоўйос-с'ам­­йос воштис'ко. табэрэ с'уан кы ныноўскын ор­чэ. гурт кÿз'а вэлон бу’­миз. пумаз оз'ы ик вэрамэ потэ: с'уан – концэрт эбÿ со. сойэ бэда быгатыса орчытоно. аслад уморт с'амэлис' куштис'кыны у д'а·ра [Кельмаков 2010: 74].

2.2. Самой берло вакытэ удмурт перио­ди­ка­ысь эшшо одћг сюан шу­дэ­мез пумитаны удалтћз на мыным – син­пöрт­ман сюанэз: вöтын гинэ – сюан-бö­рысь гуръ­ёстэк, куноостэк, … куз­пал­тэк:



Сюан шудü мон…

Кунотэк… Љöк вылтэк… Кузпалтэк…

Бöрысь гур, сюан гур кырњатэк… Тэк…

Уйвöтам… Дэремен… Зундэсэн…

Сьöд-тöдьы вöтъёсам тон эн пыра ни, эн…

Сюан шудü мон…

Уйвöтам… Дэремен… Зундэсэн… Тонэн...

(Инвожо. – 2012. – 7-тћ №. – 44-тћ б.).

Та кылбурлэн авторез О. Тронина, мынам малпамея, сюан шудыны кыл­тэчетэз туж интыяз кутэм шуыны быгатысалмы, дыр: та выллем сюанэз, зэм­зэ ик, шудыны гинэ луоно кадь…

3. Нош куке гажано «Удмурт дунне»-чиос 70 арес­лэсь орт­чем пересь куз­палъёс сярысь гожто:“Красногорск ёросысь Пле­тенёв куз­палъёс зарни сю­ан­­зэс шу­дüзы (Уд. 18.03.2008, 1) – мыным соиз валан­тэм­гес. Асьсэос газет­чи­ос, кинъёс коть­куд пред­ло­женизэс њуч кабъя мертаса саз­наны дышемын, гож­тэмысьтызы нокыџе шек­сэ-ша­крес­сэ, оло, уг но шöдо, дыр; нош мон, уд­мурт сям-йылолъёсыз то­дам кö­ня ке возисько но зэмос удмурт сямен верась­конэз чылкак ик ву­нэтыса öй на ай вутты бере, шуосысьтызы малпаськыны курись кык интызэ адњись­ко:

1) удмурт кузпалъёс, уно аръёс џоже валче улэмзэс кыџе ке амалэн пусъё ик вал ке но, сое нокызьы но сюан шуыса öз нималэ, кадь: кузпалъяськон сю­ан, кызьы ке вордüськон но кулон сюанъёс сямен ик, одћг гинэ луыны бы­гатэ;

2) ма собере сћё-дано, йöно но гажано пересь­ адямиос сярысь, зарни сю­ан­зэс ортчытüзы яке зарни сю­анзэс лэсьтüзы шуэм интые, зарни сюанзэс шу­­дüзы шуыса гожъян – со пересь муртъёсыз серекъям-мак­там но ултћям кадь йöтэ мы­ным: бад­­­њым арлыд­азы вуэмен, та куз­палъ­ёслэн кыдзы бертэм но, соос, пи­нал визьмазы усьы­­­са, сюан карыса шуды­ны кут­скил­лям ини ко­жа­лод. Шудон кор­каен выл­лем…

117

Озьы йöтэ, лад-лад удмурт сямен малпаськоно но вераськоно ке, нош њуч ша­блонъ­ёслы (сыграли свадьбу выллем) тупатскыса гожъяськоно ке (џапак озьы ик лэсьто гажано «Удмурт дунне»-чиос!), ваньмыз ик отын окей но non pro­blem!



4. Удмурт теоретической но практической стилистика йöнала сайкаса öз вутты на дыръя, удмурт пи­сатель­ёслы но журналистъёслы (тужгес ик «Уд­мурт дун­не»-чи­ослы) дун­не џошкыт: номыр шоры учкытэк, кызьы мылзы по­тэ озьы верало но гожъяло.

Тани али­гес гинэ но В. Сидоровлэн 2012-тћ арысь 11-тћ коньы­ву­о­­нэ орт­чытэм «Мы­лысь-кыдысь» телесё­то­сын верасько­наз кыџе ке удмурт вор­го­рон-кенакъёс нош ик сюанзэс шудüзы...

Яке «Удмурт дунне»-ысь сћяса вуымтэ пример:

118


Михаил Атамановлэн та мылкыдъёсыз-малпанъёсыз пумысен мар ве­рало удмурт культураез но кылэз утёнын-азинтонын бергасьёс? Иван Та­ра­канов, «Удмурт кылын шонер гожъяськонъя кыллюкам» бичетлэн ав­торез: – «Вордскем кыл» журнал ас вакытаз печатлаз Серафим Со­ко­лов­лэсь этимо­ло­гияя словарьзэ. Василий Вахрушевлэсь омонимъёсъя кыллю­кам­зэ. <…> Уни­верситетысь дышетüсьёслэн валтüсь ужпумзы [-] сту­дентъ­­ёсыз визь­нодан. Словарь бордын ужаны милемлы оскон пичигес [-] дыр­­мы уг тыр­мы. Зэм, мон али вырисько исторической лексикологияя бичет бор­дын” (Е. Сара­ма­това – Уд. 7.11.2012, 6).

Гажано «Уд­мурт дунне»-чиос, газетысь асьсэ статьяоссэс сяна, эшшо мае ке учкыло, вылаз ик лыдњо на ке, валаны кулэ, дыр:

120

1) «Удмурт кылын шонер гожъяськонъя кыллюкам»-лэн титульной лис­тэз­лэн мыдпал бамаз И.В. Тараканов ответственной редактор шуыса нима­мын, книгалэн нокыты­наз но автор карыса пусъемын öвöл. Редакторез ав­торен суран – соиз ини, шöд­ске, «Уд­мурт дун­не»-чиослэн хоббизы;



2) бичет – со сборник, мукет сямен вераса, одћг яке трос ав­торъёслэн кыл­буръёсынызы, ве­росъёсынызы, статьяосы­ны­зы кыл­дытэм (печат­ла­са поттэм) книга. Озьы бере, «Удмурт кылын шонер гожъяськонъя кыл­лю­кам» но, Иван Ва­сильевич Таракановлэн (a la «Уд­мурт дунне»: Иван Тара­ка­новлэн) исто­ри­ческой лексикологиезлы сћзем монографиез но, мынам вала­мея, бичет уг луо;

3) кызьы мыным тодмо, тире (–) но кык точка (:) – пунктуаци пусъёс, нош вак­чи гож (-) – орфографи пус, соин ик кылъя диктанъёсын но контрольной ужъёсын соосыз пöртэм сямен дунъяло; со сяна, тиреез [–] но кык точкаез [:] гожъяськонын шонер уже кутон – соиз но лад-лад радъямын ини визьмо кни­гаосын. Нош майбыр «Уд­мурт дунне»-чиослы дунне џошкыт: тире (вылћын сётэм уретысь нырысе­тћез сэрго скобкаосын возьматэм учыр) но кык точка (кыкетћез учыр) интые, кап­чияк гинэ огвыллем вакчи гож [-] пуктћзы но уж­зы быриз. Ну, валамон ини, ас интыяз (кушето кылъ­ёс­лэн люкетъёссы вискы) но вакчи гожез ик пук­то­зы…

Но таиз ини мукетгес история, со сярысь музон интыын вераськон мыноз.




Поделитесь с Вашими друзьями:
1   ...   36   37   38   39   40   41   42   43   ...   50


База данных защищена авторским правом ©znate.ru 2019
обратиться к администрации

    Главная страница